У рамках праекта «Кожная пятніца – роднае, сваё» ў філіяле «Хаціслаўская сельская бібліятэка» адбыўся бібліяграфічны агляд «Загадкі беларускіх пісьменнікаў».

Бібліятэкар пазнаёміла дзяцей 2-7 класаў з беларускай літаратурай, звярнуўшы ўвагу на творы, якія фарміруюць нацыянальную самасвядомасць, вучаць паважаць родную мову і культуру. Падчас мерапрыемства дзеці даведаліся пра цікавыя факты з жыцця і творчасці вядомых беларускіх аўтараў, прынялі ўдзел у літаратурных віктарынах і загадках, а таксама абмеркавалі прачытаныя творы. Сустрэча пакінула ў дзяцей яркія ўражанні пра багацце і прыгажосць беларускага слова.