Падчас веснавых канікул у філіяле “Пажэжынская сельская бібліятэка” адбылося мерапрыемства пад назвай «Хто шмат чытае, той шмат ведае». Сустрэча сабрала аматараў кніг і была арганізавана ў рамках акцыі “Карысныя канікулы”, мэта якой – змястоўна арганізаваць вольны час дзяцей і падлеткаў.
Госці бібліятэкі паказалі выдатныя веды ў літаратурных конкурсах, актыўна ўдзельнічалі ў абмеркаванні прачытаных твораў і даведаліся шмат новага пра карысць чытання. Удзельнікі з задавальненнем правялі час, папоўнілі свае веды і пацвердзілі, што чытанне сапраўды з’яўляецца крыніцай мудрасці і натхнення.