3 ліпеня ўся наша краіна адзначае галоўнае дзяржаўнае свята – Дзень Незалежнасці. Менавіта ў гэты дзень у ходзе беларускай наступальнай аперацыі «Баграціён» сталіца Рэспублікі Беларусь, горад-герой Мінск, была вызвалена ад нямецка-фашысцкіх захопнікаў. Рашэнне аб святкаванні Дня Незалежнасці Рэспублікі Беларусь 3 ліпеня было прынята на рэферэндуме 1996-га года.
Дзень Незалежнасці – гэта свята, якое мае вялікае значэнне для усяго беларускага народа.  У гэты дзень  сэрцы беларусаў  перапаўняюць гонар, радасць і ў той жа час гора і смутак ад усведамлення таго, якой дарагой сталася наша незалежнасць. У гэты дзень хочацца пажадаць міру і згоды, шчасця і дабрабыту Беларусі, а значыць, і ўсяму народу!
У бібліятэках раёна аформлены тэматычныя выставы, прысвечаныя Дню Незалежнасці Рэспублікі Беларусь.